Oporretan eskolako lanak bai ala ez?
Gai polemikoa da eskuartean daukaguna. Ni guraso zein psikopedagogo bezala, udaran eskolako lanak egitearen aldekoa naiz. Hemen arrazaoiak:
- Ikasketa ohitura mantentzen da.
- Kurtsoan zehar ikasitakoa barneratzen da, beraz, ez da ahazten irailera begira
- Datorren ikas urtera begira materia berria modu lasaiean lantzeko aukera da
- Irakur zaletasuna mantendu eta sustatzeko aukera
Kontutan edukitzeko aldagaiak:
- Egunero egin baina haurra ITO gabe, eta bere erritmoa errespetatuz (egun bat hobea badu gehixeago, beste batean lasaiago)
- Haurra ez bete "extras", ingelesa, gero alemana etab. Gogoratu oporretan daudela eta atseden hartzeko garaia dela.
- Modu lasaian. Materiala ahal bada egokitu( bere gustuaren araberako ipuinak irakurri, aldatu lanak adibidez; gaur grafomotrizitate pixka bat, bihar batuketa batzuk etab)
- Materiala ahalik eta dibertigarriena izan dadila, jolastuz ikasi
- Ordutegi bat zehaztu daiteke; taula bat egin; gaur materia hau, bihar hau etab.
- Denbora kontrolatu, gehinez ordu bete
- Kontutan izan haurraren gaitasunak; hau da, ikas urtean ongi ibili bada malguagoak izan gaitezke. Aldiz, zailtasunak badauzka, garrantzitsua da egunero egitea, urtean zehar ikasia ahaztu ein dezakeelako, eta gero, irailean "atzera geratzeko" arriskua dago.
- Esplikatu egunero lan pixka bat egitearen onurak, batez ere, ikasketetan zailtasunak badituzte( arreta gabezia, desmotibazioa, dislexia).
Comentarios
Publicar un comentario