ETXEKO LANAK BAI, EZ BATZUTAN?

ETXEKO LANAK BAI, EZ, BATZUTAN?

Etxeko lanen gaia bolo-bolo dabil hezkuntza komunitatean. Zenbait iturriek postura argia daukate etxeko lanik ez bidaltzekoaren alde,adibide gisa, orain dela gutxi, Nafarroan etxeko lanen aurkako greba egin delarik.

Etxeko lanen inguruan, zenbait ikastolek ez dituzte beraien ikasleei etxerako lanik bidaltzen, edota noizbait bidaltzen badie gelan amaitu ez dutena etxean amaitzeko bidaltzen dizkie. Beste ikastetxe batzuk ordea, sistematikoki bidaltzen dituzte. Puntu honetan, ohikoa da hezkuntzan jarduten dugun profesionalei gai honen inguruan galdetzea. 

Etxeko lanak onuragarriak izan daitezke, beti ere ikaslearen beharrei egokituta badaude eta neurri batean bidaliz gero, 20-30 minutu egunean gehienez. Puntu honetan, kontutan izan beharko litzateke, gurasoen gaitasuna euren seme-alabei laguntzeko, izan ere, gurasoak ez badira gai  hobe delako ez bidaltzea edo etxeko lanak ongi egokituak bidaltzea, liskarren iturri izaten direlako maiz. Beraz, etxeko lanak neurtuak eta ikasleen beharrei egokituak bidaltzearen aldekoa naiz ni. 

Egunero etxean lan pixkabat egitea onuragarria da ikaslearentzat, beti ere,aipatu dudan bezala, haurraren beharraren arabera egokituta badaude. Hau da, haurra ikasketan ongi ibiltzen bada, motibatuta dago eta arduratsua bada, kasu horretan egunero zertxobait irakurrita nahiko izango litzateke, irakur zaletasuna bultzatu eta ohitura onak hartzeko.

Baina koxka ikasketetan zailtasunak dituzte ikasleekin sortzen da, zer egin ikasle hauekin? Etxean eskolan landutakoa ez badute lantzen, oraindik eta atzerago geratzen dira eta hor sortzen dira arazoak. Gainera, guraso askok ez dakite nola lagundu seme-alaba hauei eta ohikoak izaten dira liskarrak. Hau dela eta, ikasleak eta gurasoak neka-neka eginda amaitzen dute, zer egin ez dakitela.

Ondorioz, etxeko lanak neurriz, ikasleen beharretara egokituak eta kalitatezkoak izan beharko lirateke, ikasleari bere ikasketetan laguntzen dietenak eta ez oztopatzen dietenak, hau da, astunegiak, gehiegizkoak eta familian liskarra sortuko ez dutenak.