ADIMEN EMOZIOANALA EGUNEROKO BIZITZAN

Egunerokotasunean  ohikoa da inteligentzia hitza erabiltzea. Ikasle bat ikasketetan ongi badoa inteligentea dela pentsatu ohi da, argia edo bizkorra. Pertsona batek, burutu dituen ikasketen arabera eta bere ogibidearen arabera pertsona bizkorra edo inteligentea dela pentsatu ohi dugu.

Baina azken urte hauetan inteligentzi kontzeptuari ñabardura berriak atera zaizkio. Azken ikerketen arabera inteligentzi desberdinak daude, zortzi guztira(pertsonen artekoa, barne-pertsonekoa,naturalista, logiko-matematikoa, linguistiko-hizkuntzarena, gorputz-mugimenduzkoa,musikakoa,ikus-espaziala)

Hainbeste inteligentzi izanda,lehen esandako teoriaren arabera,guztiak izan gaitezke inteligenteak. Baina inteligentzi hauen artean, adimen mota bat azpimarratu nahiko nuke, adimen emozionala. Adimen emozionalak, hitzak dioen bezala, emozioetan du oinarria. Emozio desberdinak bizitzen ditugu esnatzen garenetik oheratu arte, bizipenen arabera. Bizitzen dugunen aurrean izango dugun pentsamenduak eta ondorioz jokabidean, erlazio zuzen zuzena izango du emozioekin.

Zer egin ADIMEN EMOZIONALA lantzeko?

Ø  EMOZIOAK EZAGUTU: Emozioekin konektatu behar da eta identifikatu(tristura, poztasuna, ilusioa,amorrua)

Ø  EMOZIOAK PENTSAMENDUEKIN LOTU: Emozioek pentsamenduetan eragiten dute eta ondorioz gure portaeran, beraz oso garrantzitsuak dira emozioak kudeatzen jakitea

Ø  ENPATIA: Enpatia bestearen lekuan jartzeko gaitasuna da. Bestea ulertzean harremanak aberatsagoak izatea dakar, eta ondorioz zoriontasun gehiago. Baina aurretik norberak bere burua ezagutu eta bere buruarekin bakean egotea ezinbestekoa da

Ø  IKUSPEGI POSITIBIOA: Zailtasunak aukera bat izan daitezke aurre egin eta autoestima hazteko. Horretarako garrantzitsua da ikuspegi positiboa izatea, bai gutaz eta baita ingurukoetaz.

Ø  EREDU IZAN:Helduok, gurasook, irakasleak, eredu gara hezten ari garen haur zein gaztetxoentzat. Hau dela eta, ezinbestekoa da eredu ona izatea, eta adimen emozionalak asko lagundu dezake.

Ø  ASERTIBOA:Asertibitatea enpatiarekin eskutik hartuta doa. Pertsona asertiboa izatea, bestea den bezala onartzean datza, ez epaitzea.

Adimen emozionala bizi filosofia da, norberak bere buruarekin konektatu eta bertatik pertsona zein guraso bezala haztean datza. Bide hau, aldapatsua izaten da eta egunero landu behar den ekintza da. Hala ere, aipatu bezala asko daukagu irabazteko norberarekin harremantzeko moduan eta baita ere ingurukoekin harremantzeko moduan ere.