ZUK DENEKIN JOLASTU

Guraso eta Hezitzaile bezala, gure haurrak lagun asko izatea nahi dugu, jolas dezala ondo eta arazorik gabe. Zer esanik ez gure lagunaren seme edo alaba adin tartekoa bada, nola ez du ba berarekin ongi jolastuko?

Jar gaitezen heldu baten azalean. Heldu bati ez genioke esango "denon laguna izan behar duzu eta denekin erlazionatu beharra daukazu". Helduari, bere lagun taldea eduki dezala, eta esango genioke, denekin ezin dela ondo eman,hori normala dela.

Beraz, zer gertatzen da haurren kasuan?

Zergatik behartu behar zaio haurrari denekin jolastea eta ongi jolastea? Hau da liskarrik gabe?

Jokaera honen atzean helduen beldurrak daude. Helduak uste du haurrak lagun gutxi badauzka ez duela ongi erlazionatzen ikasiko, pertsona "arraroa" izango dela. Baina hau ez da horrela izaten. Guztiz ados nago, haurrak lagunekin jolastu behar duela, sozializatzen ikasten ari da eta bertan, bizitzako hain beharrezkoak diren erremientak ikasten ari da.
Baina, guztiz garrantzitsua da haurrari bere lagun taldea aukeratzen uztea. Haurrari norekin eta noiz jolastu nahi duen uztea, bera eroso sentitzen den taldearekin. Haurrari bakarrik egoteko uneak uztea ere garrantzitsua da, heldu autonomoa izateko.

DENEKIN JOLASTU BEHARREN ONDORIOAK HAURRARENGAN

1. GAIZKI SENTITZEA: Gustora ez dagoen pertsona batekin jolastu beharrak gaizki senti araztea sortzen du, beraz, frustatuta sentituko da
2. ERRUDUN SENTIMENDUA:" Nire gurasoek pertsona honen laguna izatea nahi dute, baina nik ez dut nahi, zerbait gaizki egiten ari naiz..."
3. GOGORIK GABE ERLAZIONATU BEHARRA: Guraso askok beraien seme-alaba "arraroa" dela sentitzen dute, beraiek nahi dutena ez duelako egin nahi edota haurrak lagun talde txikiagoa behar duelako

Kasu hauetan, haurra ulertu egin behar da eta lagunekin ibiltzea animatu. Parkera jaitxi, bere laguntxo taldean ibili. Baina ez dugu behartuko nahi ez duenarekin ibiltzea eta konfidantza emango diogu bera prest ikusten denean gure albotik joan eta gustoko lagunekin jolas dezan.