IRAKUR-ULERMEN ZAILTASUNAK:DISLEXIA

Sormen handiko haurrak, ordenagailuetan onak diren ikasleak, enpatia handiko haurrak baina… irakurtzea eta idaztea asko kostatzen zaie, baina besteak bezalakoak dira.. ez da motela baina zer gertatzen da?

Zenbait pertsonei irakurria ulertzea asko kostatzen zaie eta zer esanik ez ulertua paperean islatu behar dutenean. Matematiketan ere zailtasunak ager ditzakete, buruko prozesu mentalak egitea asko kostatzen zaielako. Irakur erritmo makala, b eta d nahastu egiten ditu, akats ortografikoak,  letra narratsa, despisteak,testua antolatzeko zailtasunak…. DISLEXIAZ hitz egiten ari gara.

Ikasle hauen adimen intelektuala beste ikasleen berdina da baina zailtasunak dauzkate batez ere, irakurketa, idazketa eta kalkulu mentalean. Hau dela eta, irakasle zein gurasoak adi egon behar dira, ikasle hauek ikasteko beste modu bat behar dutelako.

Hemen ezaugarri batzuk;

1. Gelan arreta erraz galtzen dute; Irakurritakoa ez dutenez ulertzen ariketa egiteko zailtasunak izaten dituzte
2. Desmotibazioa .  Irakurtzeaz ez dute gozatzen ezta ere idatziaz, esfortzu handia eskatzen dielako.
3. Akats ortografiko ugari   Informazioa prozesatzeko zailtasunak eta arau ortografikoak ikasi eta barneratzeko ere
4. Irakurtzeko erritmo makala: Irakurtzen dutenean hizkiak “jaten” dituzte. Irakurtzen eta idazten hastea kosta egiten zaie. Hizkien forma eta zenbakien forma barneratzeko zailtasunak ( d-b edo 6-9)
5. Autoestima baxua izaten dute Ikastolako gauzak ezin dituztela egin sentitzen dute, ariketetan zailtasunak, azterketetan ere…eta ikasteko ez dutela balio sentitzen dute.
6. Eskola porrota: Ikasle hauek behar duten laguntza egokia ez badute jasotzen ikasketak uzteko aukera handia da.
7. Despiste asko: Gauzak leku batean utzi eta non utzi duten jakiteko zailtasunak izaten dituzte, agenda, giltzak etab.
8. Lan memoriarekin arazoak: Buruz ikastea zentzurik gabe ezinezkoa egiten zaie eta ikasia azkar ahaztu dute ongi barneratuta ez badago. Hori dela eta biderketak ikasteko, prozesu konplexuagoak, zatiketak adibidez, prozesu bat baino gehiago egin behar direnean despiste asko izaten dituzte.

Dislexia hereditarioa da eta gizonezkoen artean gehiago ematen da emakueengan baino. %10 dislexia daukala kalkulatzen da baina asko ez da detektatzen . Nahiz eta bizitza guztirako izan , eskuhartze psikopedagogiko egokiarekin emaitzak asko hobetu daitezke.