MOTIBAZIOA ETA EMOZIOAK

 

MOTIBAZIOA ETA EMOZIOAK

 

Motibazioa eguneko lexikoan sartuta daukagu baina benetan ba al dakigu zer den motibazioa?

Motibazioa helburu bat lortzeko abian jartzen den energia da. Noski, helburua lortzeko antolakuntza, plangintza, kostantzia beharrezkoa izango dira. Hauek portaera edo ekintza martxan jarriko dute. Beraz, motibazioa bezain garrantzitsua izango da ekintza martxan jarri eta jarduteko behar den energia eta portaera izatea.

Portaera eta energia honen atzean, emozioak daude. Honela, ekintza baten aurrean, oso motibatuta egon gaitezke, ekintza hori egitean emozio positiboa sortzen digulako baina beste ekintza baten aurrean emozio txarra sortzen digulako desmotibatuta egon. Jar dezagun adibide bezala argaldu nahi duen pertsona bat. Hasiera batean, guztiz motibatuta egongo da, elikagaia zainduko du, kirola egingo du baina motibazioaren atzean ez badago kostantzi bat eta emozio positiboak, argaltzeak eskatzen dion sakrifizioa alde batera uzteko aukera asko daude.

Ikasketetan, ohikoa izaten da ikasle batzuk zenbait momentuetan eta irakasgaietan motibatuta eta aktibatua egotea baina gero beste irakasgai batean desmotibatuta eta ausente egotea. Adibide moduan, ikasle bat guztiz partehartzaile eta gozatzen egon daiteke soinketako orduan baina hurrengo orduan matematikako irakasgaian erdi lo eta itzalita egon.

Beste puntu bat autoestimarena da. Ohiko pentsamendua da motibatuta dagoen pertsonak autoestima ona daukala pentsatzea baina hainbat ikerketek erakutsi dute ez dagoela erlazio zuzenik. Autoestimak bizitzako momentuekin erlazio zuzenagoa dauka, hau da, bizitzan gauzak ondo doazenean normala da autoestima ona izatea , aldiz zailtasunak badaude ohikoagoa da autoestima baxuagoa izatea.

Beste aldagai garrantzitsua motibazioaren izaera da. Bi izaera daude, barne motibazioa eta kanpo motibazioa. Barne motibazioa nahia barrutik sortzen denean da. Demagun, pertsona batek , inork behartu gabe ingelesa ikasi nahi duela. Pertsona honek, ikasteko energia eta kostantzia gehiago jarriko du kanpotik behartu badute baino. Gainera, ikasketa esanguratsuago izango da, bere eguneroko bizipenekin lotuko du eta aurrerapauso handiagoak emango ditu.

Kanpo motibazioa, kanpotik beste batek behartzen duena da. Gaia ikasketekin lotuta, beste batek zer ikasi behar duzun esaten duenena da. Motibazioa eta jarduna mantentzea zailagoa da pertsonaren barrutik motibazioa ez delako sortzen. Ikasketetatik kanpo, pertsona helduarengan jarri dezakegu adibidea. Demagun pertsona bat lanera doala. Benetan lanak ez dio betetzen baina “sari”  bat dago kasu honetan soldata. Ekintza aurrera ematea neketsuagoa izango da bere lanean gustora eta barne motibazioa daukan langile batekin alderatuz.

Motibazioaren gaiak hainbat ikerketa eta azterketa bultzatzen ditu, pertsonaren portaera eta jardunarekin lotura zuzena daukalako. Bi gaiak bai motibazioa eta baita emozioak gai zabalak dira gure burua ezagutu eta bizi kalitatea hobetzen lagunduko digutelako.