Enekok txingurriak dauzka sabelean!

Pertsonak emozioak gara eta une oro emozioak bizitzen ari gara. Emozioek pentsamenduengan eragina dute eta hauek ekintzengan. Ekintzen baitan, gure autoestima baldintzatuta egongo da.

Emozioak aldakorrak dira eta segundu gutxitan alda daitezke, adibidez, alai egotea eta zerbait gertatu eta urduri jartzea.

Zorionez, gero eta gehiago hitz egiten da emozioen inguruan baina ohitura faltagatik edota emozioak ez ezagutzeagatik sarri ez ditugu gure emozioak entzuten. Ondorioz, pertsona batzuk deskonektatuta egoten dira  barnean gertatzen zaiena zer den jakin gabe.

Zerk baldintzatzen ditu gure emozioak?

1.     GERTAERAK: Gertaerek eragin zuzena dute emozioengan. Honela , gertaera on bat gertatu bazaigu, adibidez, lanean errekonozimendu bat alai egongo gara, pentsamendu onak izango ditugu eta ekintza “alairen”bat egingo dugu, adibidez ospatu

a.     GERTAERA EZ ZUZENAK: Inguruan eta gizarte mailan gertatzen diren gertaerak dira. Adibidez, COVID.a dela eta honek sortzen dituen emozioak: beldurra, gogo falta, asperdura, amorrua

     EGURALDIA: Eguraldiak eragin zuzena dauka animoan. Eguraldi onak, eguzkiak eta tenperatura atseginak, mugitzeko eta gauzak egiteko gogoa ematen duen bitartean, iluntasuna, hotzak eta euriak tristura eta gogo eza sortzen dute    

    IZAERA: Bakoitzaren izaerak eragina izango du emozioak bizitzeko unean. Batzuk, koszienteagoak dira emozioez eta beraien burua zaintzen dute. Pertsona hauek zailtasunei aurre egiteko baliabide gehiago izango dituzte.

Gero eta emozioen identifikazioa gure pentsamenduetan landuago eduki errazago aurre egingo diogu eguneroko zailtasunei eta momentua bizitzen ikasiko dugu. Izan ere, burua iraganean eta etorkizunean edukitzeko joera izaten dugu eta honek momentua bizitzea oztopatzen du. Beraz, garrantzitsua da emozioak identifikatu eta lantzen ikastea bizi kalitate hobea edukitzea bideratuko duelako.