HAURRAK BETI NAHI DUENA LORTZEN EZ DUENEAN ZER EGIN?

 

Gaur egungo gizartea, gizarte kontsumista eta konpetitiboa dela esatea ez da ezer berria, baina oinarrian ba al dakigu zein ondorioak sortzen duten gure  haurrengan?

Haurra txiki -txikia denetik ingurunetik ikasten ari da, nola harremantzen garen, zer gustatzen zaigun… Guraso askoren “akatsa da” haurrak zer nahi hori segituan ematea. Honela, haurrak dena eduki dezala ikasten du, bera dela etxeko nagusia eta agindutakoa eman behar zaiola esfortzurik gabe.

Gizarte maila trasladatuz, haurrak ikasten du gizarte konpetitibo honetan, irabazteak onespena sortzen duela, futboleko izarrak bezala edo abeslari ospetsuek bezala. Telebistan saltzen diguten bezala, ia esfortzurik gabe haurrak ikusten du etxetik aparte gizarte mailan ere arrakastatsua izan daitekeela, eta  joku horretan sartzen da, haur konpetitiboak bilakatzen dira, emaitzetan oinarritzen da bere autoestimua eta bide hau oso arriskutsua da. Beraz abiapuntu honetan, zer egin dezakegu?

·         LIMITEAK JARRI: Limiteak, mugek gauza batzuk lortu ditzazkela erakusten dio haurrari baina ez dena, gizartean eta bere bizitzan hainbat aldiz gertatuko zaion bezala

·         FRUSTAZIOA TOLERATZEA: Desioa, nahia, saiatu eta ez lortu, eskatu eta ez eman… emozio ezkorrak sortzen dizkio haurrari, bere nahia ez da asetua izan eta normala da gaizki sentitzea. Ondorioz, hainbat haur hasarretu egiten dira bere buruarekin eta gurasoekin, triste sentitzen dira eta amorratuta. Baina garrantzitsua da frustazioa jasatzeko estrategiak lantzea, honek haurrarengan mugak eta limiteak onartzea ekarriko dio eta baita bere lekua ere bai. Honela, ikasiko du beti ezin dela irabazi, badaudela beste batzuk ongi jolasten dutenak ere, eta galduta  ere familiak eta gurasoek maite dutela.

·         MAITASUNA EZ DAGO LORPENEN ARABERA: Haur askok, uste dute zenbat eta emaitza hobeak lortu are eta gehiago maiteko dutela gurasoek. Eta ez da horrela. Gurasoek emaitzak baino esfortzua baloratu behar dute eta haurrarengan maitasuna erakutsi haurra denagatio ez emaitzen gaitio. Honek, haurrari lasaitasuna emango dio eta baita segurtasuna ere bai.

 Emaitza “txarrek” sortzen duten ezinegona kudeatzea ez da erraza, ez haur ezta helduontzat ere. Baina bizitza egoera zailez beteta dago eta ezinbestekoa da egoera hauek kudeatzen ikastea eta baita gure seme-alabei irakastea ere bai.