ANDONIK EZ DU ESKOLARA JOAN NAHI
Andoni kezkatuta dago,
azterketak, kurtsoa ezingo duela gainditu, denen aurrean hitz egin beharra
daukala… Hain kezkaturik dabil ezin duela goizetan eskolara joan. Tripako minez eta
buruko minez
jaikitzen da baina asteburua edo oporrak iristean, buruko eta tripako
minak joan egiten zaizkio.
Gaur eguardian eskolatik Andoniren aitari telefonoz
deitu die semea gaizki eta aurpegi txarrarekin ikusten dutela esanez.
Andoni etxera
joan denean, ohean etzan da eta negarrez hasi da. Ezin
du gehiago! Ez du eskolara joan
nahi, oso urduri jartzen da eta ezin du gehiago!! Negarrez dagoela bere
lehengusu Alex sartu da bere gelara.
-Zer gertatzen zaizu Andoni?
-Eskolara joan behar dudanean buruko eta tripako
mina edukitzen dut… negargura
daukat eta ez dut ESKOLARA joan nahi!
-Nik judo txapelketa jokatu baino lehenago oso urduri
egoten naiz, ezin dut geldirik egon eta lehen tripako mina edukitzen
nuen.-Orduan Alexek kubo rubik bat atera zuen poltsikotik
-Ikusten kubo hau? Oso urduri nagoenean lasaitzen
laguntzen dit. Saiatzen naiz kuboko alde guztiak egiten eta nire burua despistatzen da. Orduan, tripako mina
gutxitzen da. Txapelketa burura etortzen zaidanean beste zerbaitetan pentsatzen
dut; kubo rubika, dragoi hegalariak, Saloueko oporrak…
Orduan Andoni eta Alex kubo rubik bat erostera joan
ziren. Hurrengo egunean, Andonik eskolako bidean kuboa eraman zuen eskuetan eta
bere urduritasuna kontrolatzen hasi zen.
-Zergatik Andonik ez du
eskolara joan nahi?
-Zer emozio sentitzen du
eskolara joan behar duen bakoitzean?
-Zergatik asteburuan edo
oporretan ez du tripako eta buruko minik sentitzen?
-Zer irtenbide
proposatzen dizkio bere lehengusu Alex.ek?
-Zu, urduri jartzen
zarenean nola lortzen duzu lasaitzea?
Comentarios
Publicar un comentario