ANE BURUGOGORRA DA

    ANE BURUGOGORRA DA                                                    

 Anek ez du onartu nahi batzuetan bere errua dela lagunak berarekin haserretzea edota larunbat goizeko futbol partiduan falta egin ziola Maiderri eta horregatik txartel horia atera ziela…

Anek ez du onartu nahi batzuetan gelan altu hitz egiten duela ondokoak molestatuz edota azterketarako ez zuela nahikoa ikasi eta horregatik ez zuela gainditu… beti besteen errua izaten da!

Gaur Aneren taldeak futbol partidu bat jolastu dute, txapelketako finala! Futbolean jolasten hasi direnean, neska bat denbora guztian Aneren atzetik zebilen, ez zion arnasa hartzen uzten, orduan Zask! Falta egin dio Anek neskari, zankadilla eta lurrera!

Arbitroak ikusi duenean Aneri txartel gorria atera dio eta kalera bota du. Orduan, Anek haserre biziz futbol zelaia utzi du “ bere kulpa da !!” oihu eginez.

Aldageletan dagoela bere lagun Edurne gerturatu zaio

-Tori pultsera hau.

-Baina zergatik ematen didazu pultsera hau?

-Hurrengoan haserre sentitzen zarenean lasaitzen lagunduko dizu. Baita ere, gure mugak eta zailtasunak onartzean lagunduko dizu. Etxera iristen zarenean orri txuri bat hartu eta idatzi zer kostatzen zaizun. Gero zer egingo duzun zailtasunari aurre egiteko eta gogoratu DENOK HANKA SARTZEN dugula.

Anek etxera iristean orri zuri bat hartu du eta bere zailtasunak idatzi ditu. Arratsaldean Edurneri erakutsi dio eta bien artean dauzkaten zailtasun berdinak azpimarratu dituzte eta parrez aritu dira… a ze lasaitasuna!!! Edurnerekin lasai zailtasunez hitz eta parre egitea!

 Orain Ane lasaiago dago. Badaki mundu guztiak hanka sartzen duela eta denok noizbait burugogorrak garela  eta zer?

1.    Azpimarratu Aneren portaera desberdinak.

 

 

2.    Zer gertatzen zaio Aneri berak nahi duena ez bada egiten?

 

 

3.    Zertarako oparitzen dio bere lagun Edurnek pultsera bat?

 

 

4.    Idatzi kostatzen zaizkizun gauzak eta hauekin elkarbizitzeko truko batzuk asmatuko ditugu.