TOMAS GEZURRETAN DABIL

 

TOMAS GEZURRETAN DABIL

 

Tomasek izugarrizko imajinazioa dauka, beti dauka istorioren bat buruan, superheroia dela amesten du, Doramemonen gorrokopteroa daukala, Messi dela…

Hain da bere imajinatzeko gaitasuna gezur txikiak esaten hasi dela. Gaur etxera joan denean, amak beti bezala etxekolanak dauzkan galdetu dio eta Tomasek ezetz erantzun dio, egia esan ez da gogoratzen gelan bere lagun Anderrekin txisteak kontatzen ari zen eta apuntatu… ba ez du apuntatu.

Hurrengo egunean gelara joan denean etxekolanak egin gabe zeuden eta etxera itzuli denean aita eta ama sukaldean zeuden bere zai.

-Eseri Tomas, zure irakasle Jonek idatzi digu, azken aldian ez dituzula etxeko lanak egiten eta ez dituzula azterketa egunak apuntatzen. Gezurretan harrapatu zaitugu!

Tomasek ez daki non sartu, harrapatu dute eta ziur enteratuko direla matematikako azterketa ez duela gainditu.

-Tomas lagundu nahi zaitugu, maite zaitugu eta kezkaturik gaude. Azken aldian gezurrak esaten hasi zara eta horrela ez goaz inora. Taula bat egitea proposatzen dizugu. Begira, egunero etxera bueltatzean agenda erakutsiko diguzu eta taula honetan gezurraren bat esan baduzu idatzi egingo duzu. Aste osoan lanak egin eta gezurrik ez baduzu esan, ostiralean futboleko kromoak erosiko dizkizugu. Ados?

Eta horrela egin dute! Tomas gelan eskolako lanak eta azterketak apuntatzen hasi da eta gezurra asmatu baino lehen bi aldiz pentsatzen du, gezurtia beti harrapatzen delako!

 

-Nolako da Tomas?

 

-Zergatik esaten ditu gezurrak?

 

-Nola sentitu dira Tomasen gurasoak gezurretan harrapatu dutenean? Eta Tomas?

 

-Zer proposatu die gurasoek gezurrak ez esaten ikasteko?